ზოგიერთი საერთაშორისო ვოლონტიორული გაერთიანებები
1.UNV (United Nations Volunteers)
გაეროს ვოლონტიორები – ორგანიზაცია, რომელიც უშუალოდ გაეროს ექვემდებარება. იგი მთელ პლანეტაზე გლობალური განვითარებისა და მოხალისეობის მხარდაჭერის იდეით გამოდის. ასევე, მობილიზებას უწევს მოხალისეებს კონკრეტული, პრაქტიკული დავალებების შესასრულებლად. გაეროს 4 ათასზე მეტი მოხალისე მუშაობს დევნილებთან, ვიჩ–ინფიცირებულებთან, ბავშვებთან, შეზღუდული შესაძლებლობების მქონე პირებთან. ვოლონტიორები, ასევე, შრომობენ განათლებისა და ჯანდაცვის სფეროებში, ქალაქების განვითარების საქმეში შეაქვთ თავიანთი წვლილი, იღწვიან ამომრჩეველთა, ქალთა უფლებებისა და გენდერული თანასწორობისთვის გაეროს ყველა წევრ ქვეყანაში.
2. SCI (Service Civil International)
საერთაშორისო ვოლონტიორული ორგანიზაცია, რომელიც 1920 წელს შეიქმნა. მსოფლიოში 33 განყოფილება აქვს.
მის ამოცანებში მშვიდობის, სოლიდარობისა და საერთაშორისო ურთიერთგაგების იდეების, ასევე სოციალური სამართლიანობის მხარდაჭერა და გარემოს დაცვაა. SCI ძირითადი საქმიანობა მოხალისეთა საერთაშორისო პროექტებზე, სემინარებზე, მცირე, საშუალო და გრძელვადიან პროექტებზე, ასევე საგანმანათლებლო ტრენინგებსა და საერთაშორისო გაცვლით პროგრამებზეა კონცენტრირებული.
3.NB: World4U
SCI–ს პარტნიორი ორგანიზაცია 2000 წლიდან.
4. YAP (Youth Action for Peace)
საერთაშორისო ახალგაზრდული ორგანიზაცია 1923 წელს შეიქმნა. იგი ქვეყნებს შორის მშვიდობისა და ურთიერთთანამშრომლობის იდეას უწყობს ხელს, ასევე, სამხედრო კონფლიქტების წინააღმდეგ გამოდის. YAP–ს განყოფილებები 15 ქვეყანაში აქვს. იგი მოხალისეობრივ მოძრაობაში პოლიტიკურად აქტიურ ახალგაზრდებს აერთიანებს.
YAP მოხალისეობრივ ანტისაომარ პროექტებს, პაციფისტურ სემინარებსა და ტრენინგებ უწევს ორგანიზებას. იგი, ასევე, დაკავებულია დევნილებთან, სოციალურად დაუცველთა ჯგუფებთან მუშაობით, ლობირებს ანტისაომარ და მშვიდობისმყოფელ იდეებს პოლიტიკურ პარტიებსა და ორგანიზაციებში.
5. ICYE (International Cultural Youth Exchange)
ფედერაციამ საქმიანობა 1949 წელს დაიწყო. ICYE აფრიკის, აზიის, ევროპისა და ლათინური ამერიკის ქვეყნებში 30 განყოფილებას ითვლის.
ICYE მისიას ახალგაზრდული მოხალისეობრივი აქტივობის ხელშეწყობაა საერთაშორისო ურთიერთგაგებისა და მშვიდობის საქმეში. გლობალური განათლება და ინტერკულტურული აღზრდა – ICYE პროგრამების ბავშვებთან, მოხუცებთან და ინვალიდებთან მუშაობის, ასევე საბავშვო ცენტრების ორგანიზებისა და ეკოლოგიური პროექტების განხორციელების 2 ძირითადი პრინციპია.
6. Alliance (Alliance of European Voluntary Service Organizations)
ევროპის ვოლონტიორული ორგანიზაციების ალიანსი შეიქმნა 1982 წელს. იგი მოხალისეთა ევროპული ორგანიზაციების საკოორდინაციო ცენტრს წარმოადგენს, რომლის სპეციალიზაცია მოკლე და გრძელვადიანი შრომითი ბანაკების კოორდინირებაა. იგი მშვიდობის, ურთიერთგაგებისა და საერთაშორისო თანამშრომლობის იდეების ხელშემწყობია.
7. CCIVS (Coordinating Committee for International Voluntary Service)
საერთაშორისო ვოლონტიორული ორგანიზაციების საკოორდინაციო კომიტეტი 1948 წელს იუნესკოს ეგიდით შეიქმნა. კომიტეტი მსოფლიოს 100 ქვეყანაში 250 ნაციონალურ ვოლონტიორულ ორგანიზაციას უწევს კოორდინირებას.
NB:World4U CCIVS –ში წარმოდგენილია YAP–ს ცენტრალიზებული უფლებამოსილით.
8. AVSO (Association of Voluntary Service Organisation)–
ვოლონტიორული ორგანიზაციების ასოციაცია. კოორდინირებას უწევს მოხალისეთა ევროპულ ორგანიზაციებს და ვოლონტიორობის ინტერესებს ხელს უწყობს სამთავრობო, სოციალური ინსტიტუტებისა და საზოგადოებრივი ორგანიზაციების დონეზე.
NB:World4U AVSO–ში წარმოდგენილია YAP–ს ცენტრალიზებული უფლებამოსილით. W4U–ს მოხალისეები AVSO–ს საგანმანათლებლო აქციებში მონაწილეობენ.
